បន្ទាយមានជ័យ៖ កងរាជអាវុធហត្ថខេត្តបន្ទាយមានជ័យបានសហការជាមួយនគរបាលមូលដ្ឋាន អាវុធហត្ថស្រុកម៉ាឡៃនិងស្នាក់ការ៩៩៩បានចុះធ្វើការស្រាវជ្រាវនិង តាមដានជនសង្ស័យចំនួន១០នាក់ដែលបានចាប់រំលោភនារីអាយុ១៨ឆ្នាំ ម្នាក់បានសំរេចគ្រប់ៗគ្នានោះរហូតដល់ថ្ងៃនេះកម្លាំងសមត្ថកិច្ចខាងលើ ចាប់បានជនសង្ស័យរំលោភនារីរងគ្រោះនោះបានចំនួន៣នាក់ហើយហើយជនទាំងនោះ ត្រូវបានអាវុធហត្ថកសាងសំណុំរឿងបញ្ជូនទៅតុលាការ ។ ការចាប់ខ្លួនជនសង្ស័យបានចំនួន៣នាក់នោះធ្វើឡើងនៅវេលាម៉ោង៩និង៣០នាទី ព្រឹកថ្ងៃទី៣ ខែធ្នូ ឆ្នាំ២០១៣ នៅភូមិប៉ោយចារ ឃុំគុត្តសត ស្រុកអូរជ្រៅ ខេត្តបន្ទាយមានជ័យ។
លោកឧត្ដមសេនីយ៍ត្រី ឱ បូរិន មេបញ្ជាការកងរាជអាវុធហត្ថខេត្តបន្ទាយមានជ័យបានប្រាប់អ្នកយកព័ត៌មានដឹងថា ជនសង្ស័យដែលចាប់រំលោភជនរងគ្រោះត្រូវកងរាជអាវុធហត្ថចាប់បានចំនួន៣ នាក់នោះ ១មានឈ្មោះ រិទ្ធ សុភាព ហៅធា ភេទប្រុស អាយុ១៨ឆ្នាំ ជាជនដៃដល់ហើយអ្នកដែលចាប់រំលោភស្ត្រីនោះមុនគេ ២មានឈ្មោះ ឃួន វុទ្ធីសែន ហៅក្រឹម ភេទប្រុស អាយុ១៩ឆ្នាំ ៣ឈ្មោះ ញឹម ធ្នូ ហៅនូ ភេទប្រុស អាយុ១៩ឆ្នាំ ទាំង៣នាក់ នោះសុទ្ធតែសិស្សសាលាទាំងអស់ហើយបច្ចុប្បន្នរស់នៅភូមិរស្មីមានជ័យ ឃុំ ទួលពង្រ ស្រុកម៉ាឡៃ ខេត្តបន្ទាយមានជ័យ។
ចំណែកនារីរងគ្រោះដែលត្រូវជនក្មេងទំនើងរំលោភមានគ្នាដល់ទៅ១០ នាក់រំលោភបានសម្រេចទាំងអស់គ្នានោះមានឈ្មោះ ពីវ ណាង ភេទស្រី អាយុ១៨ឆ្នាំ រស់នៅភូមិរស្មីមានជ័យ ឃុំទួលពង្រ ស្រុកម៉ាឡៃ ខេត្តបន្ទាយមានជ័យ គួរបញ្ជាក់ផងដែរថាជនរងគ្រោះដែលកន្លងមកបានទៅមើលគេបញ្ចាំងកុន ក្នុងវត្តរស្មីមានជ័យតែម្នាក់ឯងនៅម៉ោង១០កន្លះយប់ថ្ងៃទី២៩ ខែវិច្ឆិកា ឆ្នាំ២០១៣លុះមើលកុនចប់នារីរងគ្រោះនោះបានជិះម៉ូតូវិលត្រឡប់មកផ្ទះវិញលុះមកដល់ចំណុចសាលាបឋមសិក្សាត្មាតពង ភូមិរស្មីមានជ័យ ឃុំទួលពង្រ ស្រុកម៉ាឡៃ ខេត្តបន្ទាយមានជ័យនោះម៉ូតូរបស់នារីរងគ្រោះត្រូវដាច់ច្រវាក់ ឆ្លៀតពេលនោះមានក្មេង១ក្រុមដែលមានម៉ូតូ៨គ្រឿងនិងបក្ខពួកចំនួន១០ នាក់បានចាប់អូសនាងយកទៅកន្លែងចំណុចខាងលើហើយចាប់រំលោភម្ដងម្នាក់ៗ អស់ចិត្តរៀងៗខ្លួនក៏គេចខ្លួនបាត់អស់។
លោក ឱ បូរិន បាននិយាយបន្តថា៖ ក្រោយពេលដែលជនកំហូចទាំង១០នាក់ចាប់រំលោភនារីរងគ្រោះរួចមកនាងក៏ រត់ទៅប្ដឹងមេប៉ុស្តិ៍ទួលពង្រដែរតែមេប៉ុស្តិ៍នោះពុំចាប់ក្មេង ដែលរំលោភទាំង១០នោះឡើយហើយក្មេងរងគ្រោះក៏បានរត់ទៅប្ដឹងអាវុធហត្ថ ស្រុកម៉ាឡៃទើបលោកចាត់កូនចៅរបស់លោកតាមចាប់ក្មេងទាំងនោះបានចំនួន ៣នាក់រួចបញ្ជូនមកកងរាជអាវុធហត្ថខេត្តដើម្បីសួរចម្លើយ។ នៅមុខសមត្ថកិច្ច ក្មេងទាំង៣នោះបានឆ្លើយសារភាពថា៖ ខ្លួនពិតជាបានចាប់រំលោភក្មេងស្រីឈ្មោះ ណាងនោះពិតប្រាកដមែនក្រោយពេលមានចម្លើយសារភាពរបស់ជនដៃដល់រួចមក កងរាជអាវុធហត្ថខេត្តបន្ទាយមានជ័យបានកសាងសំណុំរឿងជនទាំង៣នោះទៅកាន់ តុលាការដើម្បីដាក់ទោសទៅតាមផ្លូវច្បាប់ ។
លោក ឱបូរិន បានបន្តថា៖ ចំណែកបក្ខពួកទាំង៧នាក់ដែលរត់រួចនោះអាវុធហត្ថខេត្តបន្ទាយមានជ័យ កំពុងតែដុតដៃដុតជើងតាមស្វែងរកចាប់ដើម្បីយកជនកំហូចនោះយកមកកាត់ទោស ទៅតាមច្បាប់ឲ្យទាល់តែបាន បើទោះបីជាជនកំហូចទាំង៧នាក់នោះគេចខ្លួនយ៉ាងណាក៏ពុំអាចគេចផុតពី សំណាញ់ច្បាប់បានឡើយ៕
ដោយ៖ នី នឿន
Extracted from Yobminh, The Khmer hot news
Home »
local-news
» បក្ខពួកក្មេងទំនើងដែលចាប់រំលោភនារីរងគ្រោះ ត្រូវចាប់ខ្លួន
បក្ខពួកក្មេងទំនើងដែលចាប់រំលោភនារីរងគ្រោះ ត្រូវចាប់ខ្លួន
Posted by Unknown
Posted on 11:04 PM
with No comments
0 comments:
Post a Comment