មូលហេតុ ៤ យ៉ាង​ដែល​អេតចាយ​មិន​ទិញ​គ្រាប់​មីន

landmine

គ្រាប់​មិន​ជា​អាវុធ​ដ៏​សាហាវ​ដែល​បាន​សម្លាប់​មនុស្ស​លោក​ជា​ច្រើន​ក្នុង​រយៈ​កាល​កន្លង​មក​នេះ ។ ដូច្នេះ​ហើយ​ ទើប​អេតចាយ​ម្នាក់​នេះ​មាន​ប្រតិកម្ម​ជាមួយ​គ្រាប់​មីន ។ រឿង​ដំណាល​ថា៖ ថ្ងៃ​មួយ​មាន​ក្មេង​ម្នាក់​បាន​លើក​យក​ដែក​ម្ដុំ​យ៉ាង​ធ្ងន់​មក​លក់​ឲ្យ​អេតចាយ​ដោយ​គិត​ថា​នឹង​បាន​កម្រៃ​ខ្លះ​គ្រាន់​ទិញ​នំ​ស៊ី ។ មក​ដល់​ចំពោះ​មុខ​ពូ​អេតចាយ​អ្នក​ទាំង​ពីរ​ក៏​សន្ទនា​គ្នា
          ក្មេង៖ ពូ ៗ ទិញ​ដែក​ទេ ?
អេតចាយ៖ មិន​ទិញ​ទេ (ព្រោះ​គាត់​ដឹង​ថា​ជា​គ្រាប់​មីន)
          ក្មេង៖ ម៉េច​បាន​ពូ​ឯង​មិន​ទិញ ?
អេតចាយ៖ មាន​មូលហេតុ ៤​យ៉ាង​បាន​ពូ​មិន​ទិញ
         ក្មេង៖ មូលហេតុ​អី​ខ្លះ ពូ​ឯង​ជួយ​រៀបរាប់​តិច​មើល៍
អេតចាយ៖ ចាំ​ស្ដាប់​ណា៎ ។ អេតចាយ​ក៏​បន្ត៖
មូលហេតុ​ទី​១ ៖ អា​ហ្នឹង​វា​ធ្ងន់ លំបាក​ដឹកណាស់
មូលហេតុ​ទី​២៖ អា​ហ្នឹង​បើ​វា​ផ្ទុះ​វិញ ងាប់​ខ្ទេច ទាំង​ដូនតា ម៉ែឪ បងប្អូន កូន​ចៅ គ្មាន​សល់ទេ ងាប់
                         ទាំង​អញ​ទៀត
មូលហេតុ​ទី​៣៖ អា​ហ្នឹង​ដឹក​តាម​ផ្លូវ​ប៉ូលិស​ចាប់
        ក្មេង៖ ចុះ​មូលហេតុ​ទី ៤ ស្អី​គេ
អេតចាយ៖ មូលហេតុ​ទី​៤ អញ​អត់​ទិញ​ម៉ង
         ក្មេង៖ អុញ !...