ភ្នំពេញ ៖ ហេតុការណ៍គួរឲ្យភ្ញាក់ផ្អើលមួយទៅដល់អាជីវករ អ្នកលក់ដូរនៅក្នុងផ្សាស៊ីនជូរីផ្លាហ្សា ដោយសារតែបុរសម្នាក់ជាមេតុងទីន បានឆបោកលុយរបស់សមាជិកក្រុមតុងទីនរបស់ខ្លួនជាច្រើនាក់ ហេតុការណ៍នេះបានកើតឡើងកាលពីថ្ងៃទី២៨ ខែវិច្ឆិកា ឆ្នាំ២០១៣ វេលាម៉ោង ១២និង៣០នាទី ស្ថិតនៅខាងក្នុងផ្សាស៊ីនជូរីផ្លាហ្សា ក្នុងភូមិប៉បក្រខាងត្បូង ផ្លូវ២០០៤ សង្កាត់កាកាប ខណ្ឌពោធិសែនជ័យ រាជធានីភ្នំពេញ ។
យោងតាមប្រភពព័ត៌មានពីសមាជិកកូនតុងទីន បានឲ្យដឹងថា មេតុងទីនមានឈ្មោះ ប៉ុក កុសល ភេទប្រុស អាយុ៤៦ឆ្នាំ ស្នាក់នៅបុរី១០០ខ្នង ក្នុងខណ្ឌសែនសុខ ដែលបានធ្វើសកម្មភាពឆបោក លុយរបស់ពួកគាត់ជាច្រើនក្បាល ដែលមានសមាជិកលេងចំនួន ៣៥៣នាក់ ក្នុងម្នាក់ៗដេញក្នុងមួយក្បាលចំនួន២ម៉ឺនរៀល ក៏ប៉ុន្តែត្រូវបានបុរសជាមេតុងទីនខាងលើ បោកយកលុយរបស់ពួកគាត់អស់ មិនព្រមឲ្យលុយមកសមាជិកវិញ ទើបនៅថ្ងៃទី២៨ ខែវិចិ្ឆកា វេលាម៉ោង ១២ និង៣០នាទីនេះ មានសមាជិកតុងទីនជាង១០០នាក់ បានគ្នាមកឡោមព័ទ្ធតូប លក់ដូររបស់បុរសជាមេតុងទីនខាងលើ នៅក្នុងផ្សារស៊ីនជូរីផ្លាហ្សា ក្នុងបំណងចាប់ឃាត់ខ្លួនប្រគល់ខ្លួនឲ្យសមត្ថកិច្ច ប៉ុន្តែមុនពេលមកដល់ទីនេះ បុរសជាមេតុងទីនខាងលើ បានដឹងខ្លួនមុន ហើយបានរត់គេចខ្លួនបាត់ ពីសមាជិកកូនតុងទីនទាំងនេះ នៅសល់តែប្រពន្ធ ដែលកំពុងអង្គុយលក់ដូរតែប៉ុណ្ណោះ ។ បន្ទាប់ពីមាន សមាជិកកូនតុងទីនជាច្រើននាក់ បានមកឡោមព័ទ្ធតូបលក់ចាប់ហួយខាងលើ ស្ត្រីជាប្រពន្ធរបស់មេតុងទីនរូបនោះ បាននិយាយទាំងអស់សង្ឃឹមទៅកាន់ សមាជិកកូនតុងទីនថា រូបគាត់ នឹងធានាធ្វើការចេញសង ប្រាក់ទៅឲ្យកូនតុងទីនវិញទាំងអស់ ជំនួសប្តីរបស់ខ្លួន។
ក្រោយពីហេតុការណ៍នេះបានកើតឡើង គណៈកម្មការផ្សារស៊ីនជូរីផ្លាហ្សា បានធ្វើការសម្របសម្រួល និងណែនាំឲ្យសមាជិក កូនតុងទីនទាំងអស់ទៅដាក់ពាក្យបណ្តឹង នៅប៉ុស្តិ៍នគរបាលសង្កាត់កាកាប ដើម្បីឲ្យសមត្ថកិច្ចងាយស្រួលក្នុងការចាប់ខ្លួនមេតុងទីនខាងលើ មកធ្វើការដោះស្រាយ និងទទួលខុសត្រូវទៅលើកូនតុងទីនទាំងអស់ តាមនីតិវិធីច្បាប់ ។ គួររំលឹកដែរថា ចំពោះករណីឆបោករឿងតុងទីននេះមិនមែនកើតឡើងជាលើកទី១នោះទេគឺ ធ្លាប់មានជាច្រើនលើកមកហើយនិងនៅខែតុលាធ្លាប់មានករណីឆកបបោក ត្រូវបានសមត្ថកិច្ចចាប់ខ្លួនកសាងសំណុំរឿងបញ្ជូនទៅសាលាដំបូងរាជធានី ភ្នំពេញដើម្បីផ្ដន្ទាទោសដាក់ពន្ធធនាគាររហូតមកដល់ឥឡូវនេះមិនទាន់ រួចខ្លួនផង៕
ដកស្រង់ពី សារព័ត៌មានយប់មិញ Click for more Cambodia news from Yobminh
good news
ReplyDelete